اولو
تانری آدیلا
تورک
اوشاقی فارس مدرسه سینده
مدرسه ده معللم
یئنه دؤیدو الیمدن باجارمادیم فارسینی ایراد توتدو دیلیمدن
دئدیم آقا معللیم وورما گؤینه دی الیم ندیر آخی گوناهیم تورکودور منیم دیلیم
یاپیشدی قولاغیمدان دئدی بیراخ تورکونو !!! او قالدی ائوینیزده اونوت گئتسین کؤکونو
اؤیرنمسن آب- بابا آچاجاقسان الینی کؤتک ییندن سورا اونودار سان دیلینی
سنین هاران تورکدور آذری سن,آذری کیم اؤیره دیب دیر سنه ؟ بئله یانلیش سؤزلری
آخدی گؤزومون یاشی تیتره دی دیل دوداغیم بئله یالان سؤزلری اینانمازدی قولاغیم
آنام منی اویدورماز آتام منی آلداتماز بو سؤزلرین هیچ بیری منیم عاقلیما باتماز !
نیه منیم آدیمی , سوروشماییر اؤزومدن ؟ دوغرو سؤزو اوخوماییر گؤزومدن ؟
هر کس یالان دانیشسا آللاهین دوشمانیدیر من کی یالان دئمیرم بو اونون یالانی دیر
لای لای دئییبدیر آنام بئشیکده تورکو ***** دانیشمیشیق هامیمیز ائوده , ائشیکده تورکو
ندن گؤرک یازمیاق دیلیمیزی کیتابا؟ ***** مدرسه ده نه اوچون گلمیک بیز حسابا ؟
یقین کؤتک ییمزدیم اوونسایدیم دیلیمی ! **** گیزینتی له سیغمازدیم قولتوغومدا الیمی !
قوی بویویوم بیر اؤزوم اولاجاغام موعلیم اوندا چوخ ایش گؤره جک بو گؤینین اللریم
کلاسیمدا گله جک ائلیمیزین اؤز سسی ******
اولاجاقدیر او زمان تورکون ده مدرسه سی
!!!؟؟؟
