بؤلوم : 2
دوشنبه 31 تیر 1392     یازار : آراز قئیدارلی
+0 به یه ن

                                                         ( اولو تانری آدیلا )                                           

سن اوسان , منده بویام

سـو دئییب دیـر منـه اوّلـده آنـام, آب کـی یـوخ                                                     

یوخـو اؤیرتـدی اوشاغلیـغدا منه, خواب کـی یوخ  

ایلک دفعه کی چؤرک وئردی منه, نان دئمـه دی

یا شاسین  
آذربایجان
ازلینـدن  منـه  دوزدانــه  نمکــدان  دئمــه دی

آنام اختـر دئمـه ییـب دیـر منـه , اولدوز دئیب او

سـو دوناندا دئمه ییـب یخ دی بالا , بوز دئییـب او

قار دئییب ,برف دئمه ییب ,دست دئمه ییب ال دئییب او                                                  

منـه هیچ واخـت بیا سؤیله مه ییب ,گل دئییب او                                              

یاخشی خـاطیرلاییرام یاز گونوآخشـام چاغـی لار

باخچانین گون چیخانیندا کـی ایلیـق گون یاییلار

گل دئیـه ردی داراییـم  باشیـنی آی نازلـی بالام

گلمـه سن گر , باجینیـن آستاجـا زولفون دارارام

او  دئمـه  زدی  کـی  :  بیـا  شـانه زنم بر سر تو

گــر نیـــایی بزنـــم شــانه ســـر خواهـــر تو

بلی , داش یاغسادا گؤیدن سن اوسان منده بویام

وار سـنین باشـقا آنان , واردی منیـم باشـقا آنام

اؤزومه مخصـوص اولان باشقا ائلیم واردی منیـم

ائلیمه مخصوص اولان  باشقا دیلیم واردی منیـم                                                     

ایسته سن قارداش اولاق,بیر یاشایاق,بیرلیک ائده ک

وئریبن قول-قولا بوندان سورا , بیر یولدا گئده ک  

اولا اؤزگه کولــک لرلـــه گره ک آخمایاســـان

ثانیــا وارلیغیمــا , خالغیمــا خور باخمایاســان

یوخسا گر زور دئیه سن , میللتیمی خوار ائده سن

گون گلر صفحه چؤنر , مجبور اولارسان گئده سن

تبریز:

پروفسور محمد تقی زهتابی